Going West


Brillantísima promoción do libro "Going West" de Maurice Gee. Un booktrailer de "origami" que resume o poder da lectura. Hai uns anos escoiteille contar a Kiko Cadaval que os libros semellaban ser os cadaleitos das palabras, onde permanecen mortas ata que alguén lles proporciona vida a través da maxia da lectura.

luns 30 novembro 2009

En Arte | Sen comentarios | Permalink

Mario Basanov

I'll be gone from KORB
Non son moi adicto á música de laboratorio, con algunhas excepcións como Moby que me parece brillante, pero atopei esta marabilla de Mario Basanov, un xove músico de estudio lituano que leva camiño de converterse nun crack. 

Algúns días as cousas parecen correlacionar de xeito espontáneo como si existira un fío invisible que as fose trenzando.

venres 27 novembro 2009

En Música | 1 comentario | Permalink

Fring

Fring é unha aplicación gratuita para telefonía que ofrece a posibilidade de comunicarnos como si dispuxeramos do Skype no noso móvil, de feito tamén é compatible coa rede Skype, os requerimentos son, dispor dun aparato que funcione co sistema opertativo Symbian e que teña wifi, os modelos compatibles co vídeo actualmente son os Nokia táctiles (como o X6, N97 Mini, N97, 5800), N95, N95 8GB e N92. Si sodes propietarios dalgún destes terminais só tedes que instalar a aplicación, identificarvos, e millas. Videochamadas, chat, voz... todo gratis.
Descargar aplicación

xoves 26 novembro 2009

En Informática | Sen comentarios | Permalink

Bicycle Trip

A bicycle trip é a curta de graduación de lorenzo veracini, un artista da animación ao que se lle intúe a xenialidade. "Basilea, 19 de abril de 1943. O Dr. Albert Hofmann, químico, regresa a casa na bicicleta despois dun día de traballo no laboratorio. Episodio que pasou á lenda, asociado co descubrimento dos efectos da LSD na psique humana. A curta conta a historia de ista famosa viaxe ". Excelente.
O xoves masacrítica en Lugo: 20:15 diante do concello.

mércores 25 novembro 2009

En Cine | Sen comentarios | Permalink

Sam Jinks

Sam Jinks é outro escultor hiperrealista australiano, as súas obras non posúen as extraordinarias dimensións das esculturas de Ron Mueck, pero os seus traballos, simbolizando decrepitude e morte producen un desacougo semellante. O proceso de construcción comeza esculpindo arcilla sobre unha armadura  metálica e despois moldease e fundese en silicona, finalmente engade a cór e os detalles. Tremendo.

martes 24 novembro 2009

En Arte | Sen comentarios | Permalink

Webs

Para os/as que non están dispostos/as a instruirse na elaboración de páxinas web, atopei hoxe en ceslava.com catro alternativas para a creación sitios online en modo ultrafácil. Edicy está en cristiano. Aí quedan os enlaces:
http://get-simple.info/
http://www.webs.com/
http://sitecake.com/
http://www.edicy.com/

luns 23 novembro 2009

En Informática | 2 Comentarios | Permalink

Burlando a la Parca

"Burlando a la Parca" é unha divertidísima novela negra coa que se estrena Josh Bazell, doctor en menciña e diplomado en literatura, que estou convencido dará moito que falar porque xa está traballando na segunda entrega das peripecias de "Zarpa de oso", un médico ao mais puro estilo "House", ex-sicario da mafia e acollido a un programa de protección de testigos, que combina o exercico da menciña coa violencia extrema. Un relato de humor desbordante e por momentos sobrecolledor, que podería estar asinado polos irmáns Coen ou Tarantino. Rápido e adictivo.
Moi recomendable.

domingo 22 novembro 2009

En Literatura | Sen comentarios | Permalink

Pigeon: Impossible


Pigeon: Impossible é a primeira curta do escritor e director Lucas Martell, un traballo no que invertiu 5 anos e que comezou como unha escusa para aprender cine de animación en 3D. O resultado está logrado.

venres 20 novembro 2009

En Cine | Sen comentarios | Permalink

Mehmet Ozgur

O fotógrafo e inxenieiro turco Mehmet Ozgur realiza uns traballos con fume que resultan fascinantes.
Ver Portafolio 

xoves 19 novembro 2009

En Arte | Sen comentarios | Permalink

Miguel Anxo Prado

Descubrín a Miguel Anxo Prado pola súa colaboración no "Proxecto Terra", unha ambiciosa proposta didáctica que desenvolve o COAG para as etapas de primaria e secundaria, facendo unha análise do territorio e mais do seu desenvolvemento histórico, infraestructuras, arquitectura... Un enfoque interdisciplinar dende unha perspectiva pedagóxica baseada na construcción dun proxecto e na adecuación do mesmo ao contexto do alumnado, que supón unha fórmula alonxadísima da realidade das nosas aulas onde persiste a escravitude aos libros de texto, xa que resultan ser os mais sumisos ás dictaduras curriculares. Hai mais alternativas, como "Climántica", outra iniciativa para a educación no desenvolvemento sostible que revoluciona os modelos de ensino das tradicionais materias de ciencias. En fin, comecei con churras e xa estou con merinas, quería dicir que Miguel Anxo Prado é un deses xenios do comic que nacen con talento e rematan ofrecendollo aos demais, contoume un compañeiro que lle debemos a súa vocación a un profesor de arquitectura xa falecido que lle fixo ver a potencia da súa arte, pois grazas.
Web de Miguel Anxo

mércores 18 novembro 2009

En Arte | Sen comentarios | Permalink

Bon Iver

Bon Iver é o nome do grupo de Justin Vernon, outro dos músicos Indie que merecen un espazo na discoteca básica de acústica. Este tipo, que imposta a voz ao cantar como se sofrira, exiliouse a unha cabana de Winsconsin, despois de abandoar noiva e banda, e aproveitando as musas que visitan aos eremitas, compuxo "For Emma, Forever ago". Un disco excelente.

martes 17 novembro 2009

En Música | 1 comentario | Permalink

Malamadre

Onte fun ver "Celda 211" unha historia trepidante que destapa algúns dos entresixos do noso sistema penitenciario, unha dirección e un guión fantásticos para uns actores de luxo, non imaxino a outro tipo que non sexa Luis Tosar no papel de "Kie", ou ao "colgao" de Luis Zahera, que mistura dramatismo e humor nunha mesma persoaxe. Non se trata dun "Brubaker" hispano, "Celda 211" é un pedazo de película que debuxa a realidade das cadeas sen caer no sensacionalismo do cine americano, un traballo perfectamente documentado que non se escapa nin un ápice da crudeza coa que se vive nalgúns centros penitenciarios. Non coñezo as prisións de "FIES" (Ficheiro de internos de especial seguimento), deseñadas para tipos duros, deses que che fan unha grabata raxándoche a gorxa e sacándoche a lingua por fora, pero existir existen. Un pelicuión.

luns 16 novembro 2009

En Cine | Sen comentarios | Permalink

A tenrura dos lobos

"La ternura de los lobos" é a opera prima de Stef Penney unha licenciada en filosofía e cc do cine que sorprende no seu debut literario pola extraordinaria calidade narrativa da súa primeira obra que semella asentada en lustros de escritura. Cando Paloma me pasou a novela advertiume que era un "libro de inverno", deses que disfrutas no sillón, coa mantiña, un café e o son da choiva nos cristais. A historia discorre a finais do século XIX, coa búsqeda do responsable dun crime perpetrado nunha aldea remota ao norde do Canadá, entre paraxes nevados que transmiten o frío, e a descrición da dura existencia dos primeiros colonos que se asentaron nesas terras, onde adquire protagonismo a tenacidade dunha muller, cunha coraxe de ferro, que emprende unha viaxe na procura do seu fillo.
Recomendable.

sabado 14 novembro 2009

En Literatura | 4 Comentarios | Permalink

Quedas


Unha montaxe de parkour que lle roubo ao meu fillo Nacho.

xoves 12 novembro 2009

En Xeral | Sen comentarios | Permalink

X Nada


X Nada é unha dura curtametraxe premiada no Festival Internacinal Curtocircuito 2009, unha película de Dani de la Torre e Toni Veiga  que se está a distribuír nos centros de ensino como proposta para a reflexión sobre a orixe e as consecuencias dun modo de violencia xuvenil "gratuita".

mércores 11 novembro 2009

En Educación | Sen comentarios | Permalink

XIX Jazz

Comezou o XIX Festival de Jazz de Lugo, 19 anos de luxo asiático na nosa cidade, onte recuncou no Círculo Roy Hargrove, un trompetista de 40 anos que parece estar vivindo a séptima reencarnación pola súa virtuosidade interpretativa. Un chulo que pasea polo escenario coa arrogancia do que se recoñece a sí mesmo como un deus menor e que se fai acompañar por 4 músicos excepcionais, eu alucinei con Justin Robinson, un saxofonista impecable que estou seguro de que se colará no olimpo dos Jazzman. Os concertos de Jazz posúen unha maxia inexplicable, o clima que se respira produce unha especie de catarse colectiva, unha sensación de complicidade co grupo que te fai sentir ben, moi ben. Quedannos 2 xoias Kurt Elling e Kenny Barron, só con pensalo sorrío.

mércores 11 novembro 2009

En Música | 2 Comentarios | Permalink

Re-acciona


Re- acciona é unha impecable campaña publicitaria da compañia Acciona, unha empresa dedicada  á xestión de estructuras, servicios e enerxías renovables, a idea é crear unha correspondencia entre a actitude social para o desenvolvemento sostible e as actividades que desenvolve esta empresa. Tanto a web como o vídeo promocional en youtube están logradísimos.
Vídeo
Web 

martes 10 novembro 2009

En Xeral | 2 Comentarios | Permalink

Vincent Ganivet

Non acabo de comprender a perseverancia do ladrillo nas construcións, un material arcaico, permeable, con unha pésima capacidade de aillamento térmico e sonoro, de lenta e complexa colocación... Todo un símbolo da mafias inmobiliarias que debería ter os días contados. O escultor Vincent Ganivet rendelle a súa particular homenaxe nas súas obras en forma de roda, unha metáfora da relevancia histórica de este diabólico invento.

luns 09 novembro 2009

En Arte | 1 comentario | Permalink

Galitoon

Galitoon é unha empresa galega adicada á  producción de Tv,  teatro e publicidade. Descubrinos casualmente no CEIP do Cádavo facendo a representación de "Babiliglub", unha pequena obra de teatro negro que feitizou ás/aos nenas/os. A Deputación de Lugo financia integramente estas actuacións nos centros de ensino público, un luxazo.

domingo 08 novembro 2009

En Educación | 1 comentario | Permalink

O segredo dos seus ollos

Hai uns días recomendáronme esquecerme da "Ágora" de Amenábar para ir a ver "El secreto de sus ojos", a última obra de Juan José Campanella, un director que xa me conmovera con "El hijo de la novia" e que se supera neste magnífico peliculón que constitúe todo un deleite para os sentidos. Unha obra mestra que intriga, emociona e sobretodo "apaixona". Cine en estado puro.
Absolutamente imprescindible.

sabado 07 novembro 2009

En Cine | 1 comentario | Permalink

Piratas


Documental que mostra o efecto mariposa da piratería somalí, uha perspectiva á que non estamos afeitos. 

sabado 07 novembro 2009

En Xeral | Sen comentarios | Permalink

Isabel Guerra

Isabel Guerra é unha monxa de clausura de 62 anos que permanece recluída no mosteiro cisterciense de Santa Lucía en Zaragoza, unha artista hiperrealista na que contrastan os contidos da súa obra, cheos de sensualidade, coa vocación mística que se lle supón. Milagrosa.  

venres 06 novembro 2009

En Arte | 2 Comentarios | Permalink

Bring it to life


Cada corto publicitario de "Guinness" supón un acontecemento creativo que poucas empresas conseguen, ten a pegada das campañas da Coca Cola, de Audi, ou das esperadísimas macroproduccións dos cavas cataláns no Nadal, pero para o meu gusto a xenialidade dos seus spots é insuperable, hoxe estrenan unha nova campaña co lema "Bring it to life" despois de 10 brillantes anos de "Good Things Come To Those Who Wait". Saúde. 

mércores 04 novembro 2009

En Xeral | Sen comentarios | Permalink

Sand art

Hai tempo circulaba pola rede un vídeo de Ilana Yahav, unha artista israelí que debuxa con area dun xeito espectacular, foi quen fixo o anuncio das galletas Digestive, moi chulo. Hoxe Nano envioume este outro da Ucraniana kseniya Simonova, outra artista da area que desenvolveu un espectáculo fantástico para o programa de cazatalentos do seu país, facendo un comic baseado na ocupación alemana de Ucrania durante a II Guerra Mundial. Outra xenialidade da arte efímera.

mércores 04 novembro 2009

En Arte | Sen comentarios | Permalink

Ágora

Veño de ver "ágora", o último experimento de Amenábar, un neno prodixio do cine español ao que se lle perdoa todo, aínda que algunha das súas películas sexan susceptibles da crítica mais demoledora, nesta ocasión rescata da memoria unha historia extraordinaria que mantén a súa vixencia reivindicativa dende unha perspectiva feminista, a figura de Hipatia consegue darlle consistencia a un guión escasísimo, e gracias ao arroupamento interpretativo de Rachel Weisz que está que se sae. Polo demais o dispendio orzamentario non se corresponde cos resultados, non me extrañaría que lle volveran a mercar os dereitos para facer un remake "hollywoodense" como lle pasara con "abre los ojos". Os primeiros 30 minutos chegan a ser zafios, as batallitas son pouco creíbles e cargantes, e os "magníficos" decorados parecen mercados nos chinos. Quédome coa simboloxía do cine intimista, algúns fragmentos son tremendamente emotivos, pero misturados coa pretenciosa macroproducción quedan absolutamente difuminados, penso que esta bella historia podería ternola narrada dun xeito moito mais brillante.

luns 02 novembro 2009

En Cine | 1 comentario | Permalink

Centésimas de segundo

"One hundredth of a second" é unha curta de Susan Jacobson e Alex Boden que me fixo lembrar "El pintor de batallas" do inefable Arturo Pérez Reverte. Unha reflexión sobre a doble moralidade coa que conviven os reporteiros de guerra, inmersos nunha realidade esquizofrénica onde o éxito e o fracaso son a cara e a cruz dunha mesma moeda.

domingo 01 novembro 2009

En Cine | Sen comentarios | Permalink

Anni b sweet

Onte, inesperadamente, rematei a noite no concerto de Anni B Sweet, unha malagueña que se colou pola porta grande no Indie  e que eu xa tiña no xoieiro de Spotify, pero que me volveu a sorprender pola calidade e a potencia do seu directo, cunha banda excepcional, regalounos unha gozada de miniconcerto ás 40 persoas que "abarrotabamos" o local, unha preciosa sorpresa esta paradiña técnica en Lugo de camiño á Coruña onde ten previsto actuar esta noite. Dentro duns anos estou seguro de que lembraremos con incredulidade a visita dunha estrela.

sabado 31 outubro 2009

En Música | Sen comentarios | Permalink

Fly banner

Algúns creativos son xeniais, por exemplo os da axencia alemana Jung von Matt ,que na feira do libro de Frankfurt utilizaron moscas para promocionar o stand de Eichborn. Hai que velo.

xoves 29 outubro 2009

En Curiosidades | Sen comentarios | Permalink

Dionne Bromfield

Esta mañá vin na prensa unha foto de Amy Winehouse acompañando a unha rapaciña de 13 anos que parece que está sendo tutelada musicalmente pola diva, trátase de Dionne Bromfield, outra portentosa voz que dará moitísimo que falar. Talento en estado puro. Aínda que a foto produce un pouco de congoxa, non?

mércores 28 outubro 2009

En Música | 2 Comentarios | Permalink

La sociedad literaria y el pastel de piel de patata de Guernsey

Rematei este libriño facendo un esforzo encomiable, de feito tiven que ir simultaneando a súa lectura cos "Cuentos completos de Oscar Wilde" para ir dixerindo pouco a pouco ista obra menor, que ten como novidade o estar escrita de xeito epistolar, pero que chega a resultar cargante polo reiterativo do seu argumento. Trátase dunha aproximación histórica á ocupación nazi na illa de Guernsey describindo os avatares dos habitantes dunha aldea que sofren a súa particular opresión fascista, a idea e misturar a idiosicrasia do persoaxes con retazos do holocausto pero sen chegar a causar ningún atractivo na lectura. Quédome cunha frase: "O problema de ler bos libros é que che impíde disfrutar dos malos". Unha obra absolutamente prescindible.

martes 27 outubro 2009

En Literatura | 2 Comentarios | Permalink