apnea

O neno co pixama de raias

Esta fin de semana leín o renombrado libro de John Boyne "O neno co pixama de raias", un texto sinxelo que se debora en menos de 3 horas e que resulta moi propicio para iniciar aos mais novos na lectura. Ten erros, fudamentalmente derivados do exercicio de colocarse na incipiente racionalidade dun neno de 9 anos para contar unha historia que en determinados momentos esixe dunha relfexión adulta, por iso hai episodios nos que resulta pouco convincente, incluso grotesca, a inxenuidade do protagonista, pero a novela está ben construída. Facer literatura sinxela é unha tarefa moi complexa.
Teño entendido que pronto se rodará a película, co problema de ter como precedente a maxistral "La vida es bella" de Roberto Benigni, polo que non lle auguro o mesmo éxito cinematográfico que o que parece estar a colleitar a nivel literario, xa veremos.
En definitiva, un libro que falla na movilización das emocións pero que non deixa de ser recomendable para unha tarde de choiva.