apnea

Rubik

Cando fixen a "mili" pecháronme no calabozo unha temporada por fuxir da PM (policía militar). Non foron moitos días porque saín indultado na Semana Santa como "Barrabás", todo un honor. Nese tempo, na soidade propicia da cella, aprendin a resolver o Cubo Rubik, un xeroglífico que debe ter o seu "intringulis" para os que se estrullan os miolos a pelo, pero para a maior parte dos que o resolvemos, non supón mais que desenvolver algunha das multiples secuencias de combinacións aprendidas, unha tarefa absolutamente desprovista de exercicio intelectual, como moito poderíase falar de habilidades psicomotoras. Por iso me sorprendeu atopar esta páxina dun friki do Rubik que conseguiu encontrarlle novas e singulares aplicacións ao artefacto, as creacións cúbicas representan imaxes nun mosaico de cores que resulta espectacular.
Separádevos uns metros da pantalla si non vedes a Malcolm McDowell

venres 06 xuño 2008

En Arte | Sen comentarios | Permalink

Rocky Votolato

Nova suxestión musical para a fin de semana, seguindo coa liña acústica hoxe a proposta e Rocky Votolato, colgo o unplugged "Silver trees" pero non deixo de recomendar o "Suicide medicine". A ver que vos parece.