apnea

INE

Hai tempo lin en microsiervos un artigo sobre arquitectura no que explicaban os códigos secretos do novo edifico do INE (Instituto Nacional de Estatística) en Madrid. Esta construción, que a primeira vista parece unha homenaxe ao pop dos 80, pecha un segredo matemático na composición de cores chamado diafragma decafónico de díxitos, a fachada está composta por 58 paneis, numerados e con distintos cores, que representan indicadores estatísticos. O dato 001 é, por exemplo, a extensión de España en quilómetros cadrados: 504.645. O 002 é a poboación: 44.108.523 habitantes, e así sucesivamente. Tamén están o número fogares, alumnos, empresas, parados, exportacións e outros, todos eles referidos ao 2005, ata completar os 58 paneis. Pero ademais, cada cor correspondese cunha nota, de xeito que o que estamos a contemplar e unha composición musical que se pode escoitar neste enlace. A idea é do deseñador Jose María Cruz Novillo un especialista en señalética que, a xulgar pola súa web, posúe un sentido da estética aleixadísimo do meu.